+855 16 757 168     samnob@keiladaily.com
KD Logo

Atletico Madrid មានទំនុកចិត្តថា Griezmann នឹងនៅជាមួយក្លិបបន្តទៀត

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 1562

ពាក្យចចាមអារ៉ាមជុំវិញអនាគតរបស់ Antoine Griezmann បានរីកសាយភាយ ប៉ុន្តែក្លិប Atletico Madrid នៅមានទំនុកចិត្តថាខ្សែប្រយុទ្ធជម្រើសជាតិបារាំងរូបនេះនឹងបន្តពាក់អាវរបស់ពួកគេទៀតនារដូវកាល២០១៨-១៩ខាងមុខ។

ទំនុកចិត្តរបស់ក្លិបគឺសម្អាងលើកិច្ចសន្យារបស់ Griezmann ដែលនៅសល់សុពលភាពដល់ឆ្នាំ២០២២ និងការណ៍ពិតដែលថាគេមិនដែលសូមចេញពី Atletico ម្ដងណាឡើយ។

Atletico ដឹងថាសំណើរបស់ក្លិបផ្សេងៗនឹងមកដល់នៅរដូវក្ដៅខាងមុខ ប៉ុន្តែពួកគេគ្មានបំណងចរចាអំពីការផ្ទេរម្ចាស់អាវលេខ៧រូបនេះឡើយ។ លោក Diego Simeone នឹងព្យាយាមធ្វើគ្រប់បែបយ៉ាងដើម្បីរក្សាកីឡាករដែលរកគ្រាប់បាល់ភាគច្រើននៃគ្រាប់បាល់ដែលក្រុមរបស់លោករកបាន។ ទន្ទឺមនឹងនេះ កីឡាករជាច្រើនរូបនៅក្នុងក្លិបក៏ជំរុញឱ្យតារាវ័យ២៧ឆ្នាំខាងលើនៅបន្តទៀតដែរ ដែលបង្ហាញពីសាមគ្គីភាពនៅក្នុងក្លិប។

នៅរដូវកាលក្រោយ បៀវត្សរ៍របស់ Griezmann នឹងកើនដល់១៤លានអឺរ៉ូក្នុងមួយឆ្នាំ ដែលនឹងស្មើជាមួយអ្នកប្រាក់ខែខ្ពស់បំផុតក្នុងក្លិបគឺគ្រូបង្វឹក Diego Simeone។

ប៉ុន្មានថ្ងៃមុន អតីតយុវជន Real Sociedad ខាងលើបានព្រលយថារូបគេនឹងធ្វើការសម្រេចចិត្តចុងក្រោយអំពីអនាគតមុនពេល World Cup 2018 មកដល់៕


ប្រែសម្រួល៖ ប៊ុនតឺម
ប្រភព&រូបថត៖ Marca

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖