+855 16 757 168     samnob@keiladaily.com
KD Logo

Atletico Madrid ចេញ​មក​បញ្ជាក់​​ពាក្យ​ចចាមអារ៉ាម​ជុំ​វិញការ​ចង់​បាន​ Dybala

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 2359

អនាគតរបស់ Antoine Griezmann នៅ Atletico Madrid មិនទាន់ច្បាស់លាស់នៅឡើយទេ ប៉ុន្តែក្លិបអេស្ប៉ាញមួយនេះចេញមកបដិសេធការចុះផ្សាយដែលថាពួកគេបានទាក់ទង Paulo Dybala រួចហើយដើម្បីត្រៀមជំនួសខ្សែប្រយុទ្ធជម្រើសជាតិបារាំង។

Atletico បានចុះកិច្ចសន្យាថ្មីជាមួយ Griezmann មានសុពលភាពដល់ឆ្នាំ២០២២ ប៉ុន្តែចំណុចគួរឱ្យបារម្ភមួយគឺតម្លៃបង់ផ្ដាច់កុងត្រា (buyout clause) របស់អតីតយុវជន Real Sociedad រូបនេះមានតម្លៃ១០០លានអឺរ៉ូ។

ប្រភពព័ត៌មាននៅអ៊ីតាលីបានលើកឡើងថា Atletico បានព្រមព្រៀងផ្ទាល់មាត់ជាមួយបងប្រុសរបស់ Dybala លើកិច្ចសន្យា៥ឆ្នាំជាមួយតម្លៃផ្ទេរ១៥០លានអឺរ៉ូ ប៉ុន្តែក្លិបបង្វឹកដោយគ្រូអាហ្សង់ទីន Diego Simeone ចេញមកច្រានចោលសេចក្ដីរាយការណ៍នោះ។

ការលើកឡើងនោះត្រូវបានធ្វើឡើងបន្ទាប់ពីលោក Simeone បានជួប Dybala នៅក្នុងភោជនីយដ្ឋានមួយ។ ប៉ុន្តែករណីនេះត្រូវបានលោក Massimiliano Allegri គ្រូបង្គោល Juventus អះអាងថាគ្រាន់តែជាការរាក់ទាក់ដាក់គ្នាធម្មតារវាងជនរួមជាតិដែលប្រកបអាជីពក្នុងបាល់ទាត់ដូចគ្នាប៉ុណ្ណោះ​។ បន្ថែម​លើ​នេះ លោក Allegri និយាយ​លេង​សើច​ថា​លោក​សង្ឃឹម​ថា​ពេល​ជួប​គ្នា​នៅ​ភោជនីយដ្ឋាន លោក Simeone យ៉ាង​ហោច​ណាស់​ក៏​ប៉ាវ​​អាហារ​ថ្ងៃ​ត្រង់​មួយ​ពេល​ដល់​លោក​ដែរ​៕


ប្រែសម្រួល៖ រាជសម្ភារ
ប្រភព&រូបថត៖ Marca

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖