Fernando Torres ប្រកាស​ថា នឹងចេញពី​ក្លិប Atletico Madrid នៅដំណាច់រដូវកាល២០១៧/២០១៨។

អតីត​ខ្សែប្រយុទ្ធ Liverpool និង Chelsea ផុត​កិច្ចសន្យា​នៅរដូវក្ដៅខាងមុខ និង មិន​សូវបាន​លេងក្នុងជម្រើសដំបូងទេ។ គេ​បានអង្គុយកៅអី​បម្រុង​ពេល​ AT Madrid ស្មើ Real Madrid ១ទល់នឹង១ នៅថ្ងៃអាទិត្យ កន្លងទៅ។

កីឡាករវ័យ​៣៤ឆ្នាំអះអាងថា នេះជារដូវកាលចុងក្រោយរបស់គេ ដោយសារតែគេមិនសូវបានលេង។

អតីត​សមាជិកជម្រើសជាតិអេស្ប៉ាញបានចូលរួម​ AT Madrid សាជាថ្មី កាលឆ្នាំ២០១៤ ក្រោយ​លេងក្នុងលក្ខខណ្ឌខ្ចីនៅ AC Milan។ គេបានទាត់បញ្ចូលទី១២៦គ្រាប់​ក្នុង​ការ​លេងដល់ទៅ២លើក និង រួមចំណែក​ឈ្នះ  Champions League កាលឆ្នាំ២០១២៕

ប្រែសម្រួល ៖ តេជះ
ប្រភព ៖ bbc