+855 16 757 168     samnob@keiladaily.com
KD Logo

អាជ្ញាកណ្ដាលហ្គាណាជាង៦០នាក់នាក់ជាប់បម្រាម ខ្លះ១ជីវិត ខ្លះ១០ឆ្នាំ ពីបទស៊ីសំណូក

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 649

សមាគមអាជ្ញាកណ្ដាលហ្គាណា (RAG) បានដាក់បម្រាម១ជីវិតលើអាជ្ញាកណ្ដាល៦រូប និងរយៈពេល១០ឆ្នាំលើ៤៧នាក់ផ្សេងទៀត ពីបទស៊ីសំណូក។

ក្នុងការស៊ើបអង្កេតទ្រង់ទ្រាយធំលើការស៊ីសំណូកក្នុងចំណោមអាជ្ញាកណ្ដាលបាល់ទាត់ក្នុងប្រទេសហ្គាណា មានជនសង្ស័យលើសពី៥៣នាក់ ប៉ុន្តែមាន​១៤នាក់​រួចខ្លួន បន្ទាប់ពីរកមិនឃើញពិរុទ្ធ។

RAG ក៏បានបញ្ជាក់ដែរថាខែមុនសហព័ន្ធកីឡាបាល់ទាត់ទ្វីបអាហ្វ្រិក បានដាក់បម្រាម១ជីវិតលើអាជ្ញាកណ្ដាលជនជាតិហ្គាណា២នាក់ និង១០ឆ្នាំលើអាជ្ញាកណ្ដាល៦នាក់ផ្សេងទៀត។ ដូច្នេះសរុបទៅ អាជ្ញាកណ្ដាលហ្គាណា៨នាក់ជាប់បម្រាម១ជីវិត និង៥៣នាក់ផ្សេងរងបម្រាម១០ឆ្នាំ។

អ្នកដែលមានឈ្មោះក្នុងបញ្ជីបម្រាមរបស់ RAG មានពេលរហូតដល់ថ្ងៃទី១ខែតុលា ដើម្បីប្ដឹងតវ៉ានឹងសេចក្ដីសម្រេច៕


ប្រែសម្រួល៖ រាជសម្ភារ
ប្រភព&រូបថត៖ BBC

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖

ពាក្យទាក់ទង៖