ក្រុមបាល់ទាត់​ជម្រើសជាតិម៉ាដាហ្គាស្ការ បានឡើងទៅកាន់វគ្គចុងក្រោយក្របខណ្ឌបាល់ទាត់អាហ្វ្រិក ឬ African Nations Cup ជាលើកដំបូងតាមរយៈជ័យជម្នះលើហ្គីណេអេក្វាទ័រ ១-០ នៅថ្ងៃអង្គារ ទី​១៦ តុលា។

ខ្សែបម្រើ Njiva Rakotoharimalala វ័យ២៦ឆ្នាំលេងនៅក្លិប Sukhothai របស់ថៃជាអ្នករកបានគ្រាប់ជ័យជម្នះ។

ពួកគេបានឡើងទៅកាន់វគ្គចុងក្រោយជាលើកដំបូងក្នុងព្រឹត្តិការណ៍ដែលឥឡូវនេះត្រូវបានពង្រីកពី១៦ទៅ ២៤ក្រុម។

ម៉ាដាហ្គាស្ការត្រូវបានចូលរួមដោយអេហ្ស៊ីព, សេណេហ្គាល់ និងទុយនេស៊ី នៅក្នុងវគ្គជម្រុះសម្រាប់ការប្រកួតវគ្គចុងក្រោយដែលធ្វើឡើងនៅកាមេរ៉ូន អំឡុងខែមិថុនា និងកក្កដា ឆ្នាំ២០១៩។

ជ័យជម្នះរបស់ម៉ាដាហ្គាស្ការបានធ្វើឱ្យពួកគេទទួលបាន១០ពិន្ទុនៅក្នុងពូល A ជាមួយនឹងការប្រកួតពីរលើកដែលនៅសល់៕

ប្រែសម្រួល ៖ តេជះ
ប្រភព ៖ bbc