Borussia Dortmund បានបក​២លើកដើម្បីផ្តួលក្រុមម្ចាស់ជើងឯក Bayern Munich ៣-២ កាលពីថ្ងៃសៅរ៍ទី១០ វិច្ឆិកា តាមរយៈគ្រាប់ជ័យជម្នះពី Paco Alcacer និងបន្ត​ឈរកំពូល​តារាង Bundesliga នៅសប្ដាហ៍ទី១១។

Robert Lewandowski ជាអ្នករកគ្រាប់​បាល់​ឲ្យក្រុមភ្ញៀវនាំមុខនៅនាទី២៦ មុន Marco Reus តាមស្មើឲ្យ Dortmund នៅនាទី៤៩ ដោយបាល់ប៉េណាល់ទី។ ៣នាទីក្រោយមក Lewandowski ដដែលឲ្យ Bayern នាំមុខសាជាថ្មី តែ Reus បាន​វាយ​បក​ម្ដងទៀតនៅនាទី៦៧។ លុះចូលដល់នាទី៧៣ Alcacer ក៏រកបានគ្រាប់ជ័យជម្នះ។

វាជាគ្រាប់បាល់ទី៧របស់ Alcacer ក្នុងការបង្ហាញខ្លួនលើកទី៤ដោយការប្ដូរចូលនៅរដូវកាលនេះ និងបន្តឲ្យ Dortmund គ្រប់គ្រងកំពូល​តារាង​មាន​២៧ពិន្ទុ ខណៈ Borussia Moenchengladbach ឈរនៅលេខ២ មាន២៤ពិន្ទុ។

លទ្ធផលនេះក៏ដាក់សម្ពាធបន្ថែមទៀតលើអ្នកចាត់ការ Bayern Munich លោក Niko Kovac ដែលកំពុងឈរនៅ​លេខ៣មាន២០ពិន្ទុ៕

ប្រែសម្រួល ៖ តេជះ
ប្រភព ៖ bbc