+855 16 757 168     samnob@keiladaily.com
KD Logo

Liverpool លត់ក្រុមរបស់អតីតអ្នកចាត់ការខ្លួន បង្កើនការនាំមុខ៦ពិន្ទុនៅ PL

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 700

Liverpool បង្កើនគម្លាតនាំមុខ៦ពិន្ទុនៅកំពូលតារាង Premier League ក្រោយលត់ Newcastle United ៤-០ នៅថ្ងៃ Boxing Day ស្របពេលក្រុមការពារជើងឯក Manchester City ចាញ់ជាលើកទី២ជាប់គ្នា។ នេះ​ជា​ជ័យជម្នះ​លើក​ទី​១០០​របស់​លោក Jurgen Klopp ក្នុង​នាម​អ្នកចាត់ការ Liverpool ក្នុង​ចំណោមការ​ដឹកនាំ​១៨១​ប្រកួត​មក​នេះ​។

គ្រាប់បាល់ពី Dejan Lovren ក្នុងនាទី១១, Mohamed Salah ក្នុងនាទី៤៧ (ប៉េណាល់ទី), Xherdan Shaqiri ក្នុងនាទី៧៩ និង Fabinho ក្នុងនាទី៨៥ ធានាក្រុមលោក Jurgen Klopp ក្នុងការចាប់ផ្ដើមឆ្នាំ២០១៩នៅកំពូលតារាង។

ក្រុមហង្សក្រហមឥឡូវនេះបានរក្សាទីមិនឱ្យរបូតគ្រាប់បាល់ចំនួន១២លើកហើយក្នុងចំណោម១៩ប្រកួតនៅលីគកំពូលអង់គ្លេសរដូវកាល២០១៨-១៩នេះ។

Jordan Henderson ត្រូវបាន BBC ជ្រើសជា Man of the Match ក្នុងការប្រកួតយប់មិញ។

Liverpool ពេលនេះក្លាយជាក្រុមទី៤ក្នុងក្របខ័ណ្ឌ Premier League បន្ទាប់ពី Arsenal (២០០៣-០៤), Manchester United (២០១០-១១) និង Manchester City (២០១៧-១៨) ដែលមិនចាញ់មកទល់ពាក់កណ្ដាលរដូវកាល។

សម្រាប់ Newcastle វិញយប់មិញនេះជាបរាជ័យធ្ងន់បំផុតរបស់ពួកគេនៅ Anfield តាំងពីខែធ្នូឆ្នាំ១៩៨៧មក។

ប្រកួតបន្ទាប់ Newcastle នឹងលេងនៅផ្ទះ Watford ថ្ងៃសៅរ៍ ស្របពេល Liverpool ទទួល Arsenal៕


ប្រែសម្រួល៖ រាជសម្ភារ
ប្រភព&រូបថត៖ BBC

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖

ពាក្យទាក់ទង៖