+855 16 757 168     samnob@keiladaily.com
KD Logo

Bayern ស៊ី Monchengladbach ៥-១ តាមទាន់ពិន្ទុ Dortmund តែនៅឈរ​លេខ​រៀង​ទី​២​ដដែល​

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 951

Bayern Munich រកបានជ័យជម្នះ៥-១នៅទឹកដី Borussia Monchengladbach យប់ថ្ងៃសៅរ៍ទី២ខែមីនាឆ្នាំ២០១៩ ដើម្បីតាមទាន់ពិន្ទុជាមួយ Borussia Dortmund តែនៅឈរលេខ២ក្នុងតារាង Bundesliga ដដែល ដោយសារនៅចាញ់ប្រៀបគ្រាប់បាល់ចំណេញ២គ្រាប់។

យប់មិញនេះ ភ្ញៀវ Bayern បានបើកការសម្រុកតាំងពីកែបាល់ភ្លាម ដ្បិតដឹងថាជ័យជម្នះនឹងធ្វើឱ្យពួកគេមានពិន្ទុស្មើ Dortmund ដែលបានចាញ់ Augsburg ២-១ កាលពីថ្ងៃសុក្រ។

គ្រាន់តែលេងបាន២នាទី Bayern បំបែកពងមាន់បានសម្រេចដោយ Martinez Aguinaga រួច Thomas Muller ថែម១គ្រាប់ទៀតក្នុងនាទី១១ មុន Stindl សង១គ្រាប់វិញសម្រាប់ម្ចាស់ផ្ទះក្នុងនាទី៣៧។

នៅវគ្គទី២ Bayern ថែម៣គ្រាប់ទៀតដោយ Robert Lewandowski ក្នុងនាទី៤៧ និងប៉េណាល់ទីនៅនាទី៩០+១ បន្ទាប់ពី Serge Gnabry ធ្វើបានគ្រាប់ទី៤ក្នុងនាទី៧៥។

បរាជ័យរបស់ Monchengladbach នេះនាំឱ្យ RB Leipzig ឡើងឈរលេខ៣ជំនួស ក្រោយឈ្នះ១-០នៅទឹកដីក្រុមបាតតារាង Nurnberg។

Bayern ពេលនេះមាន៥៤ពិន្ទុពី២៤ប្រកួតស្មើ Dortmund តែ Dortmund មានគ្រាប់បាល់ចំណេញ៣១គ្រាប់ ខណៈ Bayern មាន២៩គ្រាប់៕


ប្រែសម្រួល៖ គជសារ
ប្រភព&រូបថត៖ BBC

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖

ពាក្យទាក់ទង៖