Bayern Munich ឡើង​ទៅ​ឈរ​កំពូល​តារាង Bundesliga ជា​លើក​ដំបូង​តាំង​ពី​ខែ​កញ្ញា​ឆ្នាំ​២០១៨​មក បន្ទាប់​ពី​លត់ Wolfsburg ៦-០ យប់​ថ្ងៃ​សៅរ៍​ទី​៩​ខែ​មីនា​ឆ្នាំ​២០១៩​។

គ្រាប់​បាល់​ទាំង​៦​របស់​ក្រុម​លោក Niko Kovac ​រក​បាន​ដោយ Serge Gnabry ក្នុងនាទី​៣៤, Robert Lewandowski ក្នុងនាទី​៣៧​និង​៨៥, James Rodriguez ក្នុងនាទី​៥២, Thomas Muller ក្នុងនាទី​៧៦ និង Joshua Kimmich ក្នុងនាទី​៨២​។

Bayern ដែល​បាន​គ្រងជើងឯក​​ Bundesliga ​៦​លើក​ចុង​ក្រោយ​ជាប់​ៗ​គ្នា ពេលនេះ​មាន​៥៧​ពិន្ទុ​ស្មើ​ Dortmund ដែល​បាន​ផ្ដួល Stuttgart ៣-១យប់មិញ តែ Bayern ឥឡូវ​​លើស​គ្រាប់​បាល់​ចំណេញ​២​គ្រាប់​វិញ​៕

ប្រែ​សម្រួល​៖ សិរីមង្គល
ប្រភព​&​រូបថត​៖ BBC