Lionel Messi ​ស៊ុត​បាល់​ពិន័យ​១១​ម៉ែត្រ​​មួយ​គ្រាប់​ពេល Barcelona ​វាយ​បក​ផ្ដួល​ Rayo Vallecano ៣-១ នៅ​យប់​ថ្ងៃ​សៅរ៍​ទី​៩​ខែ​មីនា​ឆ្នាំ​២០១៩ ហើយ​រក្សា​គម្លាត​នាំ​មុខ​៧​ពិន្ទុ​ដដែល​លើ Atletico Madrid នៅ La Liga។

ក្នុងការ​ប្រកួត​យប់មិញ ភ្ញៀវ Vallecano ​បាន​នាំ​មុខមុន​ក្នុងនាទី​២៤​ដោយ​កីឡាករ Raul de Thomas ​។ Gerard Pique ​តាមស្មើ​ឱ្យ​ម្ចាស់​ផ្ទះ​វិញ​ក្នុងនាទី​៣៨ មុន​ក្រុម​លោក Ernesto Valverde ​ថែម​២​គ្រាប់​ទៀត​ក្នុង​វគ្គ​ទី​២​ដោយ​បាល់​ពិន័យ​១១​ម៉ែត្រ​របស់ Messi ក្នុងនាទី​៥១ និង​គ្រាប់​បាល់​របស់ Luis Suarez ក្នុងនាទី​៨២​។

យប់មិញនេះ​ដែរ Atletico ​បាន​យក​ឈ្នះ Leganes ១-០ ដោយ​គ្រាប់​បាល់​របស់ Saul​។

នៅ​ថ្ងៃ​អាទិត្យនេះ Real Madrid ​ប្រកួតនៅ​ទឹកដី Real Valladolid ម៉ោង​២៖៤៥​​៕

ប្រែសម្រួល៖ គជសារ
ប្រភព&​រូបថត​៖ BBC