+855 16 757 168     samnob@keiladaily.com
KD Logo

អ្នកចាំទី Mignolet ផ្ទេរចេញពី Liverpool ទៅក្លិបនៅស្រុកកំណើតក្នុងតម្លៃ…

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 1106

អ្នកចាំទីជម្រើសជាតិបែលហ្ស៊ិក Simon Mignolet បានចុះកិច្ចសន្យា៥ឆ្នាំជាមួយ Club Bruges ក្រោយផ្ទេរចេញពី Liverpool ក្នុងតម្លៃ៧លានអឺរ៉ូ (៦.៤លានផោន)។

អតីតយុវជន Sint-Truiden វ័យ៣១ឆ្នាំរូបនេះបានចូលលេងតែ២ប្រកួតប៉ុណ្ណោះសម្រាប់ក្រុមហង្សក្រហមរដូវកាលមុន ហើយលេងក្នុង Cup ទាំងពីរដង។

គេបានអង្គុយកៅអីបម្រុងពេល Liverpool ប្រកួតពានបើករដូវកាល FA Community Shield ចាញ់ Manchester City ដោយបាល់ប៉េណាល់ទីយប់ថ្ងៃអាទិត្យទី៤ខែសីហា។ តែប្រហែល៦ម៉ោងក្រោយការប្រកួតនោះ Club Bruges បានប្រកាសថាពួកគេបានចុះកិច្ចសន្យាជាមួយអ្នកចាំទីល្អបំផុតម្នាក់របស់ Premier League។

សូមរំឭកថា Mignolet បានផ្ទេរពី Sunderland មក Anfield ក្នុងឆ្នាំ២០១៣ ក្នុងតម្លៃ៩លានផោន។ គេវិះតែចេញពី Liverpool ម្ដងហើយក្នុងរដូវក្ដៅឆ្នាំមុន តែដំណើរការផ្ទេរទៅ Napoli បានបរាជ័យ ដោយ Liverpool អនុញ្ញាតឱ្យ Loris Karius ចេញទៅចូលរួម Besiktas។

ក្នុងរយៈពេល៦រដូវកាលនៅ Liverpool អ្នកចាំទីខាងលើបានចូលលេង២០៤ដងសម្រាប់ក្រុមហង្សក្រហម។

Liverpool ទំនងស្វែងរកទិញអ្នកចាំទីមកជំនួសកៅអីបម្រុងរបស់ Mignolet មុនទីផ្សារបិទ៕


ប្រែសម្រួល៖ រាជសម្ភារ
ប្រភព&រូបថត៖ BBC

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖