+855 16 757 168     samnob@keiladaily.com
KD Logo

Solskjaer ថា Man Utd កំពុងស្ថិតក្នុងដំណាក់កាលកសាងឡើងវិញនៅឡើយ ទោះបើកឆាក​ឈ្នះ Chelsea ច្រើនគ្រាប់ក៏ដោយ

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 506

អ្នកចាត់ការ Manchester United លោក Ole Gunnar Solskjaer និយាយថាក្រុមរបស់លោកនៅតែស្ថិតក្នុងដំណាក់កាលកសាងឡើងវិញនៅឡើយ ទោះបីទទួលបានជ័យជម្នះ៤-០លើ Chelsea ក្នុងសប្ដាហ៍បើកឆាកនៃក្របខ័ណ្ឌ Premier League 2019-20 ក៏ដោយ។

ក្នុងការប្រកួតនៅ Old Trafford កាលពីថ្ងៃអាទិត្យទី១១ខែសីហា Man Utd បាននាំមុខ១-០ក្នុងវគ្គទី១ដោយបាល់ពិន័យ១១ម៉ែត្ររបស់ Marcus Rashford។ តែនៅវគ្គទី២ ក្រុមបិសាចក្រហមលេងកាន់តែល្អឡើង ហើយថែម៣គ្រាប់ទៀត ដោយ Anthony Martial, Rashford និង Daniel James ធ្វើឱ្យការដឹកនាំប្រកួតផ្លូវការលើកដំបូងរបស់លោក Frank Lampard នៅ Chelsea ក្លាយជាថ្ងៃដែលគួរឱ្យបំភ្លេចចោល។

នៅក្រោយការប្រកួត លោក Solskjaer និយាយថា៖ «ពួកយើងដឹងថាពួកយើងនៅឆ្ងាយពីគោលដៅរបស់យើងនៅឡើយ។ ពួកយើងកំពុងធ្វើការលើការធ្វើឱ្យប្រសើរឡើងជាក្រុមនិងស្វែងរកស្ទីលមួយដែលស័ក្ដិសមចំពោះក្រុមយើង។ ពួកយើងនៅតែត្រូវការពេលបន្ថែមទៀត តែពេលវេលានោះកំពុងមកហើយ»។

លោកបន្ថែមថា៖ «ការឈ្នះគឺជាទម្លាប់មួយ។ ពួកយើងសំណាងដែលបានសម្រាកវគ្គទី១ជាមួយការនាំមុខ១-០ ប៉ុន្តែក្នុងវគ្គទី២ យើង​សម្រួល​អារម្មណ៍​បាន​ល្អ ហើយទំនុកចិត្តរបស់យើងបានកើនឡើង»។

សូមរំឭកថា ក្រុមបិសាចក្រហមរបស់លោក Solskjaer បានបញ្ចប់រដូវកាលមុនក្នុងលេខរៀងទី៦ក្នុងក្របខ័ណ្ឌ Premier League។


គោលការណ៍​ក្នុងការ​ទិញ​កីឡាករ​របស់​លោក Solskjaer ផ្ដោតលើកីឡាករវ័យក្មេងនិងមានភាពស្រេកឃ្លានក្នុងការប្រឹងប្រែងរកជ័យជម្នះ​។ ក្នុងរដូវក្ដៅឆ្នាំ២០១៩នេះ អតីត​ខ្សែ​ប្រយុទ្ធ​ឆ្នើមន័រវេស បាននាំ​ចូល​ខ្សែការពារ Aaron Wan-Bissaka, Harry Maguire និង​ខ្សែ​បម្រើ​ស្លាប​ Daniel James​៕


ប្រែសម្រួល៖ រាជសម្ភារ
ប្រភព&រូបថត៖ BBC

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖

ពាក្យទាក់ទង៖