ខ្សែបម្រើ Bastian Schweinsteiger បាន​ប្រកាសចូលនិវត្តន៍ពីអាជីពបាល់ទាត់នៅវ័យ៣៥ឆ្នាំ ពីរថ្ងៃក្រោយចប់រដូវកាលនៃក្របខណ្ឌ Major League Soccer នៅអាមេរិកដែលក្លិប Chicago Fire របស់បញ្ចប់នៅចំណាត់ថ្នាក់លេខ១៧។ 

អតីតសមាជិកក្លិប Bayern Munich និង Manchester United សង្កត់ធ្ងន់ថា ពេលវេលាបានមកដល់ហើយសម្រាប់គេ។ 

Schweinsteiger ដែលឈ្នះ FIFA World Cup 2014 ជាមួយអាល្លឺម៉ង់ក៏ធ្លាប់ឈ្នះជើងឯក Bundesliga ៨លើកជាមួយ Bayern Munich។

គេលេងបាន១២១លើកក្នុងក្រុមជម្រើសជាតិពីឆ្នាំ២០០៤ដល់២០១៦។ 

ក្នុងចំណោមជាង៥០០ប្រកួតនៅ Bayern Munich កីឡាករជើងចាស់រូបនេះឈ្នះ Champions League មួយលើកកាលឆ្នាំ២០១៣ មុនចូលរួមជាមួយ Manchester United ក្នុងតម្លៃ១៤,៤លានផោននៅឆ្នាំ២០១៥ តែហាក់មិនសូវជោគជ័យឡើយ ដោយលេងជម្រើសដំបូងបានត្រឹម១៣ដងក្នុងរយៈពេលពីរឆ្នាំ៕

ប្រែសម្រួល ៖ តេជះ
ប្រភព ៖ bbc