+855 16 757 168     samnob@keiladaily.com
KD Logo

គុនខ្មែរ

Podolski ស្រពិចស្រពិលលេងឲ្យអាល្លឺម៉ង់នៅវគ្គជម្រុះ Euro 2016

6 ឆ្នាំ មុន

ខ្សែ​បម្រើ​ស្លាប​ Lukas​ Podolski​ មិន​ទាន់​ច្បាស់​មួយ​រយ​ភាគ​រយ​នៅ​ឡើយ​ក្នុង​ការ​បង្ហាញ​ខ្លួន​ឲ្យ​អាល្លឺម៉ង់​នា​វគ្គ​ជម្រុះ​ Euro​ 2016​ ទល់​នឹង​ អៀរ​ឡង់​ និង​ ហ៊្សក​ហ្ស៊ី​ នា​ពេល​ខាង​មុខ​ ក្រោយ​រង​របួស​ក​ជើង​ខាង​ឆ្វេង​។ ទោះ​ជា​បែប​ណា​ ខ្សែ​បម្រើ​ Galatasaray​ រូប​នេះ​ រំពឹង​ថា​អាច​ជា​ទាន់​ពេល​ ដើម្បី​ប្រកួត​ជាមួយ​ អៀរឡង់​ នៅ​ពូល​ D​ នា​ថ្ងៃ​ព្រហស្បតិ៍​នេះ​  ឯ​ទី​ក្រុង​ Dublin មុនទទួលភ្ញៀវ ហ៊្សកហ្ស៊ី នៅថ្ងៃអាទិត្យ ទី ១១ តុលា។  យ៉ាងណាក្ដី ស្ទាំងដែកអាល្លឺម៉ង នៅ​មាន​កីឡាករ​សំខាន់ៗ​ ជា​ច្រើន​ទៀត​ដែល​អាច​ជំនួស​តំណែង​ Podolski​ បាន​ដូច​ជា​ Marco​ Reus​, Mario​ Goetze​ និង​ Andre​ Schuerrle​ ជាដើម។  អាល្លឺម៉ង់​ស្ថិត​នៅ​កំពូល​តារាង​ពូល​ D​ ដោយ​មាន​ ១៩ពិន្ទុ​ តាម​ពី​ក្រោយ​ដោយ​ក្រុម​លេខ២​ ប៉ូឡូញ​ ដែល​មាន​១៧ពិន្ទុ​ ខណៈ ​ក្រុម​លេខ​៣​ អៀរឡង់​ មាន១៥ពិន្ទុ​។ អាល្លឺម៉ង​ពិត​ជា​ត្រូវ​ការ​ពិន្ទុ​ក្នុង​ពីរ​ប្រកួត​បញ្ចប់​វគ្គ​ជម្រុះ​នេះ​ ដើម្បី​ធានា​កៅ​អី​ទៅ​លេង​ជុំ​ផ្ដាច់​ព្រ័ត្រ​នៅ​បារាំង​ឆ្នាំ២០១៦​៕