+855 16 757 168     samnob@keiladaily.com
KD Logo

សី​ដក់​ជម្រើស​ជាតិ រកជំនួយ​សំបុត្រ​យន្តហោះ ទៅប្រកួត​ជើងឯក​អាស៊ី នៅកូរ៉េ

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 2670
សហព័ន្ធកីឡាសីប៉ាក់តាក្រកម្ពុជា កំពុងដង្ហើយរកជំនួយថវិកា ដើម្បីផ្គត់ផ្គង់ថ្លៃសំបុត្រយន្តហោះ តបតាមការអញ្ជើញ​របស់ម្ចាស់ផ្ទះកូរ៉េ ទៅចូលរួម​ប្រកួត​ប្រជែង​ក្នុងព្រឹត្តិការណ៍ជើងឯកសីប៉ាកតាក្រអាស៊ីលើក​ទី២ នៅ ទីក្រុង អ៊ីនឈាន់ នាខែ មិនា ខាងមុននេះ​។

កាលពីសប្ដាហ៍មុន នាទីស្នាក់ការសហព័ន្ធសីប៉ាក់តាក្រកម្ពុជា លោក ទូច សុភៈ អគ្គលេខាធិការសហព័ន្ធកីឡា​សីប៉ាក់តាក្រកម្ពុជា បានទម្លាយ​ពីផលពិបាក​ប្រឈម​នៅនិងមុខយ៉ាងដូច្នេះថា ៖ “ដោយសារតាំងពីដើមរហូតមកដល់បច្ចុប្បន្នយើងពឹងផ្អែក​ទៅ​លើ​ប្រាក់​ឧបត្ថម្ភ​ ដូចជាប្រាក់ហោ​ប៉ៅពីក្រសួង និង​មជ្ឈមណ្ឌល ដូច្នេះបញ្ហាសំបុត្រ​យន្ដហោះនេះ​សហព័ន្ធគ្មាន ភាគ​ច្រើន​យើង​សុំ​ពី​​សហព័ន្ធ​អន្តរជាតិ​គេជួយ ហើយយើង​ដើររកSponsorនៅក្នុងស្រុក​ខ្លះតែទោះ​​ជាយ៉ាង​ណាគេ​មិនបាន​ជួយ​យើង​១០០%ដែរ តែ​គេ​បាន​ជួយ​យើង​៥០%​ដែរ ហើយនៅ៥០%ទៀតយើងទាក់​ទងទៅខាងAirline ឱ្យជួយ​ចុះថ្លៃ​យន្តហោះ​ហើយ​យើង​ថែម​ខ្លួន​ឯង​ខ្លះ​ បើសិនជា​រកមិនបានប្រហែល​ជាពួកខ្ញុំដែលជាកីឡាករ​ជា​គ្រូបង្វឹក​ត្រូវការ​ចំនាយ​លុយ​ខ្លួន​ឯង​ខ្លះ​ហើយ​”។



អគ្គលេខាធិការដដែល បានអំពាវនាវដល់ស្ថាប័នពាក់ព័ន្ធ ឱ្យជួយឧបត្ថម្ភដល់ក្រុមអត្តពលិក​សីប៉ាក់ក្រកម្ពុជា ដែលត្រូវចេញ​ទៅប្រកួតនៅថ្ងៃទី ៨ មិនា ខាង​មុខ​នេះ ត្បិតថាហូបចុកស្នាក់នៅ ខាងភាគីម្ចាស់ផ្ទះជា​អ្នករ៉ាប់រងរួចស្រេចហើយ​។

គួររំឭកថា សហព័ន្ធសីប៉ាក់តាក្រកម្ពុជាទើបសម្រេចសិទ្ធិផលថ្មី របស់ខ្លួនក្នុងការប្រកួតកីឡាសីឈិន​ឡូនជើងឯក​អាស៊ីលើកទី២ នៅមីយ៉ាន់ម៉ា លើវិញ្ញាសា​សី​​ឈិនឡូន ដោយទទួលបានមេដាយ មាស១គ្រឿង ផ្នែកបុរស និង​មេដាយ សំរឹទ្ធ២ គ្រឿងផ្នែកនារី ។ ហើយអគ្គលេខាធិការ​ដដែលបានផ្ដល់សង្ឃឹមថា កម្ពុជានឹងប្រឹងឱ្យអស់ពីសមត្ថភាពដើម្បីរក្សាសិទ្ធិផលមួយនេះ លើ​វិញ្ញាសា​សីប៉ាក់​តាក្រ បើទោះ​ជាកំពុងជួប​ផលវិបាក​យ៉ាងណាក្ដី ។



គួរបញ្ជាក់ថា នេះជាលើកដំបូងរបស់កម្ពុជា ដែលបានចូលរួមក្នុងកម្មវិធី 2nd Asian Sepaktakraw championship ២០១៦ នៅ​ទីក្រុង អ៊ីនឈាន់ ប្រទេសកូរ៉េ ដែល​ធ្វើឡើងនៅថ្ងៃទី ១០ ដល់ ១៣ ខែមិនា។ តាមគម្រោង កម្ពុជា នឹងបញ្ចូនកីឡាករ​ចំនួន៥នាក់ អមដំណើរដោយ​គ្រូបង្វឹកម្នាក់ និងថ្នាក់​ដឹកនាំ​ម្នាក់ទៅចូលរួម​៕M

ផ្ដល់សិទ្ធិដោយ៖ ទូរទស្សន៍ PNN
អត្ថបទ និងរូបភាព ៖ តាំង លីហួរ

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖