+855 16 757 168     samnob@keiladaily.com
KD Logo

កីឡាការិនី​ប្រណាំង​កង់​ជម្រើស​ជាតិ រំពឹង​ឈ្នះ​ជើងឯក តែបារម្ភ​ឧបសគ្គ និង​សុខភាព

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 470
កីឡាការិនីជម្រើសជាតិ ហេង ស៊ីវឡាង ប្រាប់ថា សង្ឃឹមដល់ទៅ ៨០% ថានឹងអាចក្លាយជាជើងឯកការ​ប្រណាំង​កង់ផ្លូវរាប​ចម្ងាយផ្លូវឆ្ងាយ ពោលរហូតដល់ ៤៧០​គីឡូម៉ែត្រ ដែលនឹងចាប់ផ្តើមពីថ្ងៃ​ទី៤ ដល់ថ្ងៃទី៨ ខាងមុខ​។

ក្នុងសន្និសីទសារព័ត៌មានកាលចុងសប្តាហ៍កន្លងទៅ កីឡាការិនីរូបនេះ បញ្ជាក់ថា អ្នកស្រីពិតជាអាចរក​ជ័យជម្នះបាន ដោយសារ​ការហ្វឹក​ហាត់​យ៉ាង​ទៀង​ទាត់ ប៉ុន្តែគ្រោះថ្នាក់ចៃដន្យ រួមទាំងបញ្ហាសុខភាពតាមផ្លូវ នៅតែជាកត្តាប្រឈម​ចម្បង ដែលសាមីខ្លួនបារម្ភថា​អាចរំខានដល់ដំណើរ​ទៅរកជើងឯក​។ ៖ « ខ្ញុំធ្វើការ​ហ្វឹកហាត់ជាប្រចាំ។ ការការពារតំណែងជើងឯក​នេះគឺសង្ឃឹម ៨០% ដែរ ព្រោះខ្លាចតាម​ផ្លូវមានការប៉ះកង់ ឬដួលជាមួយ​កីឡាករផ្សេងៗ ឬក៏សុខភាព​ខ្លះៗអីជាដើម​»។



ការប្រណាំងកង់ចម្ងាយផ្លូវឆ្ងាយនេះ ធ្វើឡើងក្នុងគោលដៅពង្រឹងការ​ហ្វឹកហាត់​កីឡាករ ដោយចាប់ផ្តើមពី រាជធានី​ភ្នំពេញ ឆ្ពោះទៅ​​កំពង់ចាម ត្បូងឃ្មុំ ព្រៃវែង ស្វាយរៀង និង​បញ្ចប់ទៅនៅថ្ងៃទី៨ ខែ មិនា នាទីរួមខេត្ត​កណ្តាល ចំទិវាសិទ្ធិ​នារីអន្តរជាតិ​​​។

គួរដឹងដែរថា ការប្រណាំងកង់សម្រាប់អត្តពលិកអាជីពនេះ ក៏នឹងបើកទទួល​យកកីឡាករស្ម័គ្រចិត្ត ដែល​ចង់ប្រកួត​ក្នុងកំណាត់​ផ្លូវខ្លី​ណាមួយ​ចូលរួម​ជាលើក​ដំបូង​ផងដែរ​៕M

ផ្ដល់សិទ្ធិដោយ៖ ទូរទស្សន៍ PNN
អត្ថបទ និងរូបភាព៖ ង៉ែត វុទ្ធី


   

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖