+855 16 757 168     samnob@keiladaily.com
KD Logo

ក្លឹប​កង់​តា​ខ្មៅ សន្យា​ជួយ ទ្រីយ៉ា​ត្លុង ឲ្យចូល​រួម​ព្រឹត្តិការណ៍ Ironman កម្រិត​ពិភព​លោក​

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 513
សមាជិកអចិន្ត្រៃយ៏ក្លឹបកីឡាក្រុងតាខ្មៅ លោក គឹង រិទ្ធី រៀបរាប់ថា ក្លឹបកង់របស់លោកមានអ្នក​ឧបត្ថម្ភជា​ថវិកាគ្រប់គ្រាន់ បន្ថែម​នឹង​ឆន្ទៈ​ចង់​បណ្ដុះ​បណ្ដាល​សមត្ថភាព​អត្តពលិកជម្រើសជាតិ ឲ្យកាន់តែមានកម្រិតប្រកួត​ប្រជែងខ្ពស់ ទើបក្លឹបកង់តាខ្មៅ​សម្រេចជួយឧបត្ថម្ភ​។

ម្យ៉ាងទៀត លោកបានបន្ថែមថា ការព្យាយាមជួយបញ្ជូនកីឡាករ ឈុន ប៊ុនថន ទៅចូលរួម ក្នុង​ព្រឹត្តិការណ៏ ទ្រីយ៉ាត្លុង កម្រិត​កំពូល ឬ Ironman Triathlon នៅ​វៀតណាមលើកនេះ  ព្រោះយល់ថា ឈុន ប៊ុនថន ជាកីឡាមាន​សក្តានុពលស្រាប់ និងធ្លាប់ជាជើងឯក​ទូទាំងប្រទេស ផងដែរ។ ៖ “និយាយរួមទៅ កីឡា​ទ្រីយ៉ាត្លុង កម្រិត Ironman នេះ គឺកីឡាករ​ឈុន ប៊ុនថន គាត់មានសមត្ថភាព​អាចប្រកួតបាន ព្រោះគាត់មាន​កម្លាំងខ្លាំង ពីដើមមក ស្រាប់​ហើយ។ ហើយ​យើង​មើល​ឃើញគាត់ រាល់ថ្ងៃនេះ គឺប្រឹងប្រែង ហាត់មែនទេន ដូច្នេះ​ហើយ ក្លិបតាខ្មៅរបស់​យើងហ្នឹង ខំបញ្ជូន និងខំពង្រឹងគាត់។ ខ្ញុំសន្យា​ថានឹង​បញ្ជូន​គាត់​អោយ​បានទៅចូលរួម នៅវៀតណាមអោយ​បានសម្រេច ព្រោះយើងមាន​ធនធានគ្រប់គ្រាន់ សម្រាប់បញ្ជូន​គាត់ ទោះត្រូវចំណាយ​ប៉ុន្មានក៏ដោយ”។ 



ជាមួយគ្នានេះ កីឡាករ ឈុន ប៊ុនថន លើកឡើងថា ភាពខុសគ្នានៃរយៈចំងាយដល់ទៅ២​ដងរវាង ទ្រីយ៉ាង​ត្លុង និង Ironman Triathlon ពិតជា​ផ្ដល់ឱកាស​ដ៏ពិសេស​សម្រាប់គេ ក្នុងការស្វែងរកបទពិសោធន៍ថ្មី​។ ៖ “ការប្រកួត Ironman Triathlon វាមានភាព​ខុស​គ្នា ពីទ្រីយ៉ាត្លុង ធម្មតា ២ដង បាន​ន័យថា ការប្រកួត​ដែល​ខ្ញុំត្រូវទៅចូលរួម នៅវៀតណាមហ្នឹងគឺ ហែល​ទឹក២គីឡូ បើទ្រីយ៉ាត្លុងធម្មតា តែ១​គីឡូកន្លះទេ។ ជិះកង់​៩០គីឡូ  បើទ្រីយ៉ាង្លុង តែ៤០​គីឡូទេ។ រីឯរត់ ២១គីឡូ ទ្រីយ៉ាត្លុងធម្មតា​តែ១០គីឡូប៉ុណ្ណឡ។ ឱកាសចូលរួម ក្នុងព្រឹត្តិការណ៍ហ្នឹង គឺមានអត្ថប្រយោជន៏​ច្រើនដល់រូប ខ្ញុំ ព្រោះអីកម្មវិធី​ប្រកួតនេះ វាពាក់​ព័ន្ធ​នឹង ទ្រីយ៉ាត្លុង បានន័យថា យើងប្រកួត​ទ្រីយ៉ាត្លុង Ironman ហ្នឹង គឺមានរយៈ​ចំងាយឆ្ងាយ ដូច្នេះវាអាចធ្វើអោយ​ខ្ញុំដែលជាកីឡាករ ទ្រីយ៉ាត្លុង បានស៊ាំ​នឹងកំលាំង​អំណត់ និងកំលាំងតស៊ូផងដែរ​”។




 
គួរជម្រាបថា Ironman Triathlon នឹងធ្វើឡើងនៅខេត្តដាណាំង ប្រទេសវៀតណាម នាថ្ងៃទី៨ ឧសភា ឆ្នាំ២០១៦​នេះ។ ប្រសិនបើ កីឡាករ ឈុន ប៊ុនថន បានចូល​រួមព្រឹត្តិការណ៍នេះមែន វាជាប្រវត្តិសាស្ត្រ ដែលកីឡាករ កម្ពុជា បានចូលរួម ប្រកួតកីឡា ទ្រីយ៉ាត្លុង កម្រិតកំពូល មានប្រទេស​ជាច្រើន​ជុំវិញ​ពិភពលោក​ចូលរួមបែបនេះ​៕M

ផ្ដល់សិទ្ធិដោយ៖ ទូរទស្សន៍ PNN
អត្ថបទ៖ ងិន មករា / រូបភាព៖ ង៉ែត វុទ្ធី 
  

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖