+855 16 757 168     samnob@keiladaily.com
KD Logo

ប្រធាន​​ការិ​យា​ល័យ​​កីឡា​​ខេត្ត​​កណ្ដាល​​ ​​ប្ដេជ្ញា​​ជំរុញ​​វិស័យ​​ប៉េតង់​​តាមវិទ្យាល័យ​​

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 393
ក្រោយអត្តពលិកប៉េតង់តំណាងខេត្តកណ្ដាល ដណ្ដើមបានមេដាយមាសចំនួន២ ក្នុងការប្រកួតកីឡាប៉េតង់ពានរង្វាន់ឯកឧត្តម សុខ អាន លើកទី៦ ឆ្នាំ​២០​១​៦ ប្រធានការិយាល័យកីឡា នៃមន្ទីរអប់រំ យុវជន និងកីឡាខេត្តកណ្ដាល បានប្ដេជ្ញាចិត្តថា នឹងពង្រីកវិសាលភាពប៉េតង់ ទៅដល់គ្រប់វិទ្យាល័យក្នុងខេត្តក​ណ្ដា​ល ឲ្យមានសកម្មភាពផុលផុស និងពង្រឹងឲ្យកាន់តែរឹងមាំ។

នៅក្នុងពិធីបិទការប្រកួតកីឡាប៉េតង់ពានរង្វាន់ឯកឧត្តម សុខ អាន លើកទី៦ ឆ្នាំ២០១៦ នៅពហុកីឡដ្ឋានជាតិ កាលពីថ្ងៃទី ២៩ កុម្ភៈ ២០១៦ លោក ពៅ វណ្ណា ប្រ​ធានការិយាល័យកីឡាខេត្តកណ្ដាល អះអាងថា គោលដៅនៃការបណ្ដុះធនធាននេះ ដើម្បីផ្ដល់ភាពងាយស្រួលក្នុងការប្រជែង ពានរង្វាន់ប៉េតង់ផ្សេងៗ ពិ​សេ​ស​កា​រប្រកួតប៉េតង់ក្របខ័ណ្ឌសិស្ស។
"បន្ទាប់ពីបញ្ចប់ពីការប្រកួតនេះទៅគឺក្នុងមានខ្ញុំអ្នកថ្នាក់ដឹងនាំការិល័យនៅខេត្តកណ្ដាល និងមន្ទីរអប់រំយុវជន និងកីឡា គឺ​ខ្ញុំ​នឹងប្ដេជ្ញាចិត្តខិតខំធ្វើម៉េចជម្រុញទៅតាមវិទ្យាល័យទៅតាមខេត្តតបស់ខ្ញុំឱ្យផុសនៅវិស័យកីឡាប៊ូលដើម្បីលើកកត្តិយសដែលយើងចេញទៅប្រកួតថ្នាក់ជា​តិ​ឬថ្នាក់អន្តរជាតិគឺកីឡាករខេត្តកណ្ដាលតែងតែជាប់ជម្រើសជាតិច្រើន”

ជាមួយគ្នានេះដែរ ឯកឧត្ដមបណ្ឌិតសភាចារ្យ សុខ អាន ប្រធានសហព័ន្ធកីឡាប៊ូល និងប៉េតង់កម្ពុជា បានមានប្រសាស៍ថា សម្រាប់កីឡាប៉េតង់ ការរៀបចំការ​ប្រ​កួតនឹងត្រូវពង្រីកឱ្យបានដល់គ្រប់ៗខេត្ត ចាប់ពីឆ្នាំ២០១៦នេះទៅ។ ក្រសួងអប់រំ យុវជន និងកីឡា នឹងរៀបចំឱ្យមានការប្រកួតកីឡាប៉េតង់ក្របខ័ណ្ឌសិស្ស ដើ​ម្បី​ជ្រើសរើសយុវកីឡាករ កីឡាការិនី ដែលមានអាយុក្រោម១៧ឆ្នាំ សម្រាប់ហ្វឹកហាត់ត្រៀមចូលរួមក្នុងការប្រកួតកីឡា SEA GAME នៅឆ្នាំ២០២៣ ដែលកម្ពុ​ជា​យើងនឹងធ្វើជាម្ចាស់ផ្ទះ។

គួរបញ្ជាក់ថា ខេត្តកណ្ដាលបានបញ្ចូនអត្តពលិកមកចូលរួមប្រកួតទាំងអស់ ២៣ នាក់ ក្នុងនោះមកពីសាលា Westland ១១ នាក់ មន្ទីរអប់រំខេត្ត ១២នាក់ ដោ​យ​​ទទួលបានមេដាយ មាសចំនួន២ គ្រឿង ប្រាក់១ និងសំរឹទ្ធ១គ្រឿង៕

ផ្ដល់សិទ្ធ ៖ ទូរទស្សន៍ PNN
អត្ថបទ និងរូបភាព ៖ តាំង លីហួរ

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖