+855 16 757 168     samnob@keiladaily.com
KD Logo

វ៉ូវីណាម ឈ្នះ​មេដាយ​ពិភពលោក​ឆ្នាំ​មុន ប្រកាស​បន្ត​រក​មេដាយ​សំខាន់ៗ​

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 547
វ៉ូវីណាម ដែលជាប្រភេទកីឡាគេចាត់ថាមាន សក្ដានុពលរបស់កម្ពុជានោះ កំពុងត្រៀមមិនសំចៃក្នុងឆ្នាំ២០១៦​នេះ ដើម្បីចូលរួម​ប្រកួត​សំខាន់ៗ ទាំងការ​បើកទ្វារ​ជាម្ចាស់ផ្ទះជើងឯក​អាស៊ីអាគ្នេយ៍ ការឆ្ពោះទៅប្រកួតជើងឯកកម្រិតអាស៊ី​នៅវៀតណាម និង​ជើង​ឯក​​ពិភព​លោក​ ផងដែរ។ នេះជា​ការ​រៀបរាប់​របស់​លោក ទេព ជីវសុខុម គ្រូបង្វឹកវ៉ូវីណាមជម្រើសជាតិកម្ពុជា ពី​ទីលាន​ហ្វឹក​ហាត់​ពហុ​​កីឡដ្ឋាន​ជាតិ កាលដើមសប្ដាហ៍នេះ។

ទេព ជីវសុខុម គ្រូបង្វឹកវ៉ូវីណាមជម្រើសជាតិ  លើកឡើងដូច្នេះ៖ «គឺដូចមុនៗដែរ គឺយើងមានកីឡាករជម្រើស​ជាតិ​ដែល​នឹង​ចាប់​ផ្ដើម​​ប្រមូល​ផ្ដុំ​ខែ ក្រោយនេះ ក្រោមការ​ទំនុកបម្រុងរបស់ក្រសួងអប់រំ រយៈពេល៦ខែ។ ឆ្នាំ​នេះ​គឺ​យើង​ត្រៀម​ដូច​ឆ្នាំ​មុន​ គឺថាចំនួន​ប្រមូលផ្ដុំនៅដដែល»។



គ្រូបង្វឹកដដែលបន្តថា វ៉ូវីណាមកម្ពុជា ត្រូវការត្រៀមខ្លួនខ្លាំង សម្រាប់ព្រឹត្តិការណ៍សំខាន់ទាំងនោះ ប៉ុន្តែក៏កំពុងប្រឈម​នឹង​បញ្ហា​មួយ​ចំនួន​។ ពិសេស​ទីតាំង​ហ្វឹកហាត់ ដែលកំពុងធ្វើឡើង​បណ្ដោះអាសន្ន ក្នុងវិមានកីឡាដ្ឋាន​ជាតិប៉ុណ្ណោះ រីឯ​សម្ភារៈ​ហ្វឹកហាត់​​មិន​គ្រប់​គ្រាន់​ ក៏ចោទជាបញ្ហា។ ៖ «ការហ្វឹក​ហ្វឺន​គឺ​យើង​បាន​ត្រៀម​ច្រើនប៉ុន្តែនៅតែខ្វះចន្លោះខ្លះ។ ប៉ុន្តែ​ម៉េច​ក៏ដោយ​ខ្ញុំ​ថា​​យើង​នឹង​ត្រៀម​ខ្លួន​​ឲ្យល្អ នឹងព្យាយាមដណ្ដើមមេដាយ​ឲ្យបានច្រើន»។

សូមបញ្ជាក់ថា វ៉ូវីណាមកម្ពុជា បានកកើតជាសហព័ន្ធដំបូង​បំផុតនៅឆ្នាំ២០០៨ និងត្រូវបាន​គណកម្មាធិការ​ជាតិអូឡាំពិក​កម្ពុជា​ចាត់ទៅ​ក្នុង​ចង្កោម​កីឡា​មាន​សក្ដានុពល​របស់កម្ពុជា បន្ទាប់ពីរកបានមេដាយសរុប ១០មេដាយ កាលស៊ីហ្គេម២០១១ និងបន្ត​ប្រមូលបាន ១២មេដាយ នៅស៊ីហ្គេម២០១៣ ដែល​ជាបរិមាណ​មេដាយច្រើនបំផុត ធៀបនឹងប្រភេទកីឡាដទៃរបស់កម្ពុជា​ដែលបញ្ជួនទៅ។ ខណៈស៊ីហ្គេម​២០១៥ វ៉ូវីណាម បានអាក់ខាន​ដោយសារ​ពុំមាន​វិញ្ញាសា​កីឡានេះ​ឡើយ ប៉ុន្តែបានកញ្ឆក់​ចំណាប់អារម្មណ៍មហាជន តាមរយៈការឈ្នះមេដាយ​មាសភិភពលោក១ និងសំរឹទ្ធមួយ កាលខែសីហា២០១៥​៕M

ផ្ដល់សិទ្ធិដោយ៖ ទូរទស្សន៍ PNN
អត្ថបទ និង រូបភាព៖ ប៉ែន សុផាន់ណា

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖