+855 16 757 168     samnob@keiladaily.com
KD Logo

គម្រោ​ងបង្កើ​តពានថ្មី​របស់កា​យសម្ព័ន្ធ​ ស្ថិត​ក្នុងកា​រពិចា​រណារពី​ក្រសួងអប់រំ​

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 590
គម្រោងរៀបចំការប្រកួតពានថ្មីមួយ បន្ថែមលើការប្រកួតថ្នាក់ជាតិមួយឆ្នាំម្ដង របស់សហព័ន្ធកីឡាកាយសម្ព័ន្ធកម្ពុជា ដែលជាផែនការប្រចាំឆ្នាំ២០១៦ នៅ​ពេល​នេះពុំទាន់ទទួលបានការឯកភាព ពីក្រសួងអប់រំ យុវជន និងកីឡា នៅឡើយទេ ត្បិតការស្នើសុំថវិការៀបចំការប្រកួតពីស្ថាប័នកីឡាកំពូលនេះ នៅជាប់គាំង​នៅឡើយ។


                   អគ្គលេខាធិការសហព័ន្ធកីឡាកាយសម្ព័ន្ធកម្ពុជា លោក ណាយ ផាណា

អគ្គលេខាធិការសហព័ន្ធកីឡាកាយសម្ព័ន្ធកម្ពុជា លោក ណាយ ផាណា កាលពីរសៀល ថ្ងៃទី ១៨ ខែមេសា នាពហុកីឡដ្ឋានជាតិ បានថ្លែងថា លោកធ្លាប់ដឹងថា ក្រ​សួង​នឹងផ្ដល់កញ្ចប់ថវិកាដល់សហព័ន្ធ ដែលបានស្នើរៀបចំកម្មវិធីណាមួយ ប៉ុន្តែមកទល់ពេលនេះ លោកពុំទាន់ទទួលបានការឆ្លើយតបនៅឡើយ៖" តាំងពីយើង​រៀ​បចំផែនការ នៅដើមឆ្នាំ២០១៦មក ខ្ញុំមានគម្រោង ធ្វើពានផ្ទាល់ខ្លួនរបស់សហព័ន្ធឬ CUP មួយ ដោយយើងទទួលដំណឹងថា យើងនឹង​អា​ច​ទទួលបាន ថ​វិកា​រ​ដែលក្រសួងធម្លាក់អោយសម្រាប់រៀបចំ ការប្រកួត តែមកដល់ពេលនេះ យើងពុំទាន់ទទួលបានដំណឹងអីនោះទេ។"

យ៉ាងណាក្តី គម្រោងស្នើថវិការៀបចំការប្រកួតព្រឹត្តិការណ៍បន្ថែមនេះ ពុំទាន់មានការបញ្ជាក់ណាមួយថា នឹងសម្រេចលុបចោលទាំងស្រុងនោះឡើយ។ អគ្គលេ​ខា​ធិ​​ការដដែលគ្រាន់តែបញ្ជាក់ថា ការរៀបចំនេះគ្រោងធ្វើឲ្យបាន មុនព្រឹត្តិការណ៍ល្បែងកីឡាជាតិឬ National Game ចូលមកដល់ នាអំឡុងខែវិច្ឆិកា ឆ្នាំ២០១៦ ខា​ងមុខ។

បើ​តាមផែនការរបស់សហព័ន្ធកីឡាកាយសម្ព័ន្ធកម្ពុជា នៅឆ្នាំ២០១៦នេះ យ៉ាងហោចណាស់នឹងមានការប្រកួតធំៗចំនួន៣ ក្នុងនោះមានការប្រកួតថ្នាក់ជាតិ ល្បែ​ងកីឡាជាតិ និងការប្រកួតដណ្តើមពានសហព័ន្ធ ឬ President Cup ៕

ផ្ដល់សិទ្ធ ៖ ទូរទស្សន៍ PNN
រូបភាព និងអត្ថបទ៖ ងិន មករា

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖