+855 16 757 168     samnob@keiladaily.com
KD Logo

សូហ្វតេន្នីស បង្ហាញអត្តពលិកឆ្នើម៩រូប ត្រៀមទៅស៊ីហ្គេមនៅហ្វីលីពីនជាផ្លូវការ

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 122

សហព័ន្ធកីឡាសូហ្វតេន្នីសកម្ពុជា នៅសប្តាហ៍នេះ បានប្រកាសជាផ្លូវការហើយ នូវសមាសភាពកីឡាករ កីឡាការិនីទាំង៩រូប ដែលខ្លួននឹងបញ្ជូនចេញទៅចូលរួម ព្រឹត្តិការណ៍កីឡាស៊ីហ្គេមលើកទី៣០នៅហ្វីលីពីន។


​បើតាមការគូសបញ្ជាក់ ពីអគ្គលេខាធិការសហព័ន្ធ លោក ជា សែនវិស្សុត ការចេញទៅលើកនេះ សហព័ន្ធមានក្តីរំពឹងខ្ពស់ ថាក្រុមសូហ្វតេន្នីសកម្ពុជា នឹងអាចយកមេដាយបាន។ យកបាន ក៏ព្រោះកីឡាករ កីឡាការិនីទាំងអស់ បានពង្រឹងខ្លួនយ៉ាងល្អមុនចេញទៅព្រឹត្តិការណ៍២ឆ្នាំម្តងក្នុងតំបន់អាស៊ានមួយនេះ ក្នុងនោះបូលរួមទាំងការចេញទៅប្រជែងនៅក្រៅប្រទេសច្រើនដង និងការហ្វឹកហាត់ជាប្រចាំនៅក្នុងស្រុកផងដែរ។

ក្នុងផែនការថ្មីឆ្នាំ​២០១៩នេះសហព័ន្ធកីឡាសូហ្វតេន្នីសកម្ពុជា បានចេញទៅប្រជែង ៧កម្មវិធីធំៗលក្ខណៈអន្តរជាតិនៅក្រៅប្រទេស។ ៧កម្មវិធីអន្តរជាតិនេះ ត្រូវបានរំពឹងថា នឹងជួយជម្រុញសមត្ថភាព កីឡាករ ការិនីកម្ពុជា ឆ្ពោះទៅប្រជែងមេដាយស៊ីហ្គេម នាចុងឆ្នាំ​២០១៩ នៅប្រទេស ហ្វីលីពីន។


​គួរបញ្ជាក់ថា​ ក្នុង​បញ្ជី​ផ្លូវការ ដែល​ចុះហត្ថលេខា​ដោយ​ឯកឧត្តម ក​ ជា ប៊ុនហេង អនុ​ប្រធាន​ទី​១​សហព័ន្ធ​កីឡា​សូ​ហ្វ​តិ​ន្នី​ស​កម្ពុជា​នោះ​ថា ការ​ចេញទៅ​ប្រកួតនៅស៊ីហ្គេមឆ្នាំ​នេះ ដឹកនាំ​ដោយ​ លោក ជា សែន​វិស្សុត រួមជាមួយ​គ្រូបង្វឹក​ជនជាតិ​ជប៉ុន MASATO Ogiwara និង​លោក​ យី សារិន ដែលជា​គ្រូ​ជំនួយ។


កីឡាករ កីឡាការិនីទាំង០៩រូបរួមមាន៖ ​ ​កីឡាករ ​កាន់ សោ​ភ័​ណ្ឌ ​អន សម្បត្តិ​ ​ឌឹ​ម សំ​សម្បត្តិ ​ច​ន ម៉ា​ដា យី គា​វីរៈ និង កីឡាករ​ប៉ិល វ​ណ្ណី។ ចំពោះ​កីឡា​ការិនី​ទាំង​៣​រូប​វិញ​នោះ មាន​កីឡាការិនី រិ​ន សុធា​រី ​ជិន ស្រី​ឡូយ និង កីឡាការិនី​ ម៉េ​ត ម៉ា​រី​យ៉ាន៕ 

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖

ពាក្យទាក់ទង៖