+855 16 757 168     samnob@keiladaily.com
KD Logo

សហ​ព័ន្ធ​ចំបាប់​ ស្នើ​ក្រសួង​អប់រំ​ជួសជុ​ល​កន្លែងស្នាក់​នៅស​ម្រាប់យុ​វជនថ្នាល​

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 330
សហព័ន្ធកីឡាចំបាប់កម្ពុជា បានដាក់លិខិតស្នើសុំទៅក្រសួងអប់រំ យុវជន និងកីឡា ដើម្បីសុំកញ្ចប់ថវិការធ្វើការជួសជុលទីកន្លែងស្នាក់នៅ សម្រាប់យុវជនថ្នា​ល ដែលកំពុងប្រមូលផ្ដុំហ្វឹកហាត់ ឆ្លើយតបតាមគោលការណ៍ ក្រសួងអប់រំ យុវជន និងកីឡា ដាក់ឲ្យមានការប្រមូលផ្ដុំកីឡាករ កីឡាការិនីថ្នាល ត្រៀមស៊ីហ្គេ​ម​២​០​​២៣  ។

ទាក់ទិននឹងបញ្ហានេះ លោក ធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា ឲ្យដឹងកាលពីថ្ងៃទី ២០ មេសា នាសហព័ន្ធកីឡាចំបាប់កម្ពុជា យ៉ាងដូច្នេះ ៖​”​ដោយសារយើងទទួលគោលការណ៍ដើម្បីប្រមូលផ្ដុំកីឡាករ កីឡាការិនីថ្នាល ប៉ុន្តែអ្វីដែលសំខាន់នោះគឺបន្ទប់ស្នាក់នៅ និងបន្ទប់ទឹកគឺមានការខូចខាតខ្លាំង ចឹង​យើងបានស្នើសុំទៅក្រសួងដើម្បីឲ្យជួសជុល ដើម្បីអនុញ្ញាតិឲ្យយើងបានប្រើប្រាស់ជាកន្លែងថ្នាល់ យើងក៏បានដាក់គោលការណ៍មួយទៀតស្នើសុំទៅក្រសួង ប្រើប្រា​ស់សាលដំបូងទូក ស្លាបខាងស្ដាំ ជាកន្លែងស្នាក់នៅរបស់កីឡាករ កីឡាការិនីជម្រើសជាតិថ្នាល ហើយយើងទទួលបានដំណឺងពីនាយកដ្ឋានអប់រំកាយ និងកី​ឡា​ ថានឹងមានការកោះប្រជុំមួយ ដើម្បីពិភាក្សាគ្នាក្នុងការជួសជុល និងប្រើប្រាស់ គឺមិនមែនទីលានទេតែជាកន្លែងស្នាក់សម្រាប់ថ្នាល”

អគ្គលេខាធិការមានបទពិសោធន៍១៦ឆ្នាំ លើសង្វៀនចំបាប់រូបនេះបន្ថែមថា ប្រសិនបើក្រសួងធ្វើការជួសជុលឲ្យមែន គឺបានត្រឹមតែទីកន្លែងប៉ុណ្ណោះ ដូច្នេះប​ញ្ហា​សម្ភារៈ សហព័ន្ធជាអ្នករ៉ាប់រងទាំងស្រុង។ យ៉ាងណាក្ដី លោក Casey Barnett នាយកវិទ្យាស្ថានខេមអេដ និងជាអតីតកីឡាករចំបាប់ បានចំណាយធនធានផ្ទា​ល់ខ្លួនប្រមាណជាង៣០០០ដុល្លារ ក្នុងការទិញគ្រែ២ជាន់ ចំនួន៨ និងម៉ាស៊ីត្រជាក់ចំនួន២ រួមទាំងសម្ភារៈមួយចំនួន ដើម្បីសម្រួលដល់ការស្នាក់នៅ និងហ្វឹក​ហា​ត់ របស់អត្តពលិកថ្នាលទាំង១៥រូប ។

គួរបញ្ជាក់ថា កីឡាចំបាប់ គឺជាប្រភេទកីឡាមួយក្នុងចំណោមកីឡា ៩ ប្រភេទ ដែលត្រូវបានក្រសួងអប់រំ យុវជន និងកីឡា អនុញ្ញាតឲ្យប្រមូលផ្តុំយុវជនថ្នាលក្នុង​ឆ្នាំនេះ ដោយមានកីឡាករ ១០ នាក់ និងកីឡាការិនី ៥ នាក់ ដោយទទួលបានការផ្គត់ផ្គង់ថ្លៃអាហារ៤៤០០០រៀលក្នុងមួយថ្ងៃ រយៈពេល ១០ ខែ ពោលចាប់ពីថ្ងៃ​ទី​១ ខែមីនា រហូតដល់ចុងខែធ្នូ៕

ផ្ដល់សិទ្ធ ៖ ទូរទស្សន៍ PNN

អត្ថបទ និងរូបភាព ៖ តាំង លីហួរ
 

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖