+855 16 757 168     samnob@keiladaily.com
KD Logo

២៩៦ ចូលរួមប្រកួតតេក្វាន់ដូ Open នៅស្រុកខ្មែរថ្ងៃនេះ

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 793
ព្រឹត្តិការណ៍ 2015 Cambodia Open Glory International Taekwondo Compstitions បានបើកការប្រកួតនៅថ្ងៃទី៩តុលានេះនាអគារតេក្វាន់ដូប៊ូយ៉ុងដោ​យ​មានប្រទេសចំនួន ៦ ចូលរួម ។

ចូលរួមប្រកាសបើកការប្រកួតមានលោកឧត្តមសេនីយ៍នួន ភាប្រធានខេមរសហព័ន្ធតេក្វាន់ដូ លោក Lee Kwaing Hoon ដែលជាប្រ ធាន​បេស​ក​កម្ម​កីឡា​ពិភព​លោកបានចូលរួមក្នុងពិធីបើកការប្រកួតនេះ ។ ជាមួយគ្នានេះ
ក៏នៅមានតំណាងប្រទេនានាចូលរួមទៀតផង ។

ប្រទេសទាំង ៦​ដែល​ចូល​រួម​នោះ​ មាន​កម្ពុជា​ដែល​ជា​ម្ចាស់​ផ្ទះ​មាន​កីឡា​ករ​-កីឡាការិនី​សរុប​ចំនួន​២៣៦​នាក់​
ក្នុង​នោះ​កីឡាការិនី​ចំនួន​៧៨​នាក់​ដែល​មក​ពី​ក្លឹប​ចំ​នួ​ន​៣០ទូទាំងប្រទេសកម្ពុជា។ប្រទេសអូស្ត្រាលីបញ្ជូនមកចូលរួមប្រកួតចំនួន ៣ នាក់ ហ្វីលីពីន ១៣នាក់សាធារណរដ្ឋកូរេ១៦នាក់ វៀត​ណាម​១០​នាក់​ និង​ថៃ​ចំ​នួ​ន​១៨នាក់ ។

លោកChoi Yong Sok ជាគ្រូបង្វឹកជម្រើសជាតិរបស់កម្ពុជា និង ជា​អ្នក​ផ្ដួច​ផ្ដើម​គំនិត​ក្នុង​ការ​រៀប​ចំ​ព្រឹត្តិ
ការណ៍នេះ​ បាន​និយាយ​ថា​ការ​ប្រកួត​មាន​គ្រប់​ប្រភេទ​ទម្ងន់​តែកីឡាករ-កីឡាការិនីត្រូវស្ថិតក្នុងប្រភេទអាយុចាប់ពីក្រោម១២ឆ្នាំដល់លើ១៨ឆ្នាំ ។ គ្រូបង្វឹករូបនេះឲ្យដឹងទៀតថា ព្រឹត្តិការណ៍មួយដែលបើកទូ​លា​យ​ដែរ​ទេ ហើយការប្រកួតគឺមានគ្រប់ប្រ ភេទទម្ងន់តែអាយុគឺចាប់ពីក្រោម១២ឆ្នាំដល់លើ១៨ឆ្នាំ ។

លោក ជាតិ ខេមរាដែលជាសមាជិកប្រតិបត្តិមួយរូបរបស់ខេមរសហព័ន្ធតេក្វាន់ដូនោះបានឲ្យដឹងថានេះជា
ការប្រកួតតេក្វាន់ ដូស្ទីល W.T.F (World Taekwondo F​e​d​eration)របស់សាធារណរដ្ឋកូរេ ។ ការប្រកួតមាន ២ វិញ្ញាសាគឺវិញ្ញាសាសំដេងមេគុន(Poomsae) និង វិញ្ញាសាប្រយុទ្ធ (Sparing) ។នេះ​ជា​ការ​ប្រកួតដោយបើកទូលាយ(Open) ៕

អត្ថបទ / រូបភាព ៖ Keila Daily

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖