+855 16 757 168     samnob@keiladaily.com
KD Logo

ខេមរៈសហព័ន្ធយូដូ បង្ហើបពីមូលហេតុខ្សត់កីឡាការិនីតំណាងជាតិ

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 654
ក្បាច់ចាប់បោក ឬចាប់កាច់ក្រៀក នៅស្នៀតគុនយូដូ ដែលមើលទៅគួរឲ្យខ្លាច និងឈឺចាប់ ជាដើមហេតុធ្វើឲ្យស្ត្រីកម្ពុជា មិន​សូវ​ពេញ​និយម​ហាត់​ពត់​លត់​ដំ​ឲ្យ​ក្លាយខ្លួនជាកីឡាការិនីអាជីព។ នេះជាការពន្យល់របស់ប្រធានខេមរៈសហព័ន្ធយូដូ លោក ឡាច វុទ្ធី កាលពីពេលកន្លងទៅ នាពហុកីឡដ្ឋានជាតិ។ 

អតីតកីឡាករជម្រើសជាតិរូបនេះបន្ថែមថា ភាគច្រើននារីខ្មែរគ្រាន់តែចូលរួមហាត់តិចតួច ដើម្បីសុខភាព មិនប៉ងធ្វើជាអត្តពលិកតំណាងជាតិនោះឡើយ។ លោក ឡាច វុទ្ធី អះអាងដូចនេះ៖ «និយាយឲ្យចំទៅគឺថា នារីយើងដែលម៉ោគឺមានច្រើន តែគេម៉ោក្នុងលក្ខណៈហាត់ជាសុខភាព ដើម្បី​ជា​ហ្គេម​កម្សាន្ត​អារ​ម្មណ៍។ ណាមួយកីឡាយូដូ ដូចយើងឃើញស្រាប់ហើយ សុទ្ធតែការបោក ចឹងគ្នាឃើញថាការបោកហ្នឹង ដូចជាឈឺខ្លួនឈឺប្រាណខ្លាំងពេក អញ្ចឹង​ហើយ​ធ្វើ​ឲ្យ​គ្នាមិនចង់ហាត់យូដូ»។

បែបនេះក្ដី ប្រធានសហព័ន្ធខាងលើឲ្យដឹងដែរថា សហព័ន្ធកំពុងខិតខំប្រឹងប្រែងយ៉ាងខ្លាំង ក្នុងគោលដៅទាក់ទាញកុមារី និងយុវនារី ចូល​រួម​ក្នុង​ក្រុម​ជម្រើស​ជាតិ​ឲ្យបានច្រើន ដើម្បីបង្កើនបរិមាណ និងសម្រួចសមត្ថភាពកីឡាការិនីខ្មែរ ត្រៀមស៊ីហ្គេមនៅឆ្នាំបន្តបន្ទាប់។

គួររំឮកថា កាលឆ្នាំ២០១០  ក្នុងព្រឹត្តិការណ៍ Summer Youth Olympic នៅ សិង្ហបុរី កីឡាការិនី សំ សុធា របស់កម្ពុជា ដណ្ដើមបានមេដាយសំរឹទ្ធមួយគ្រឿង ក្រោយ​បំបាក់កីឡាការិនីប៊ុលហ្គារី Damyanova ក្នុងពិន្ទុ១០០ទល់នឹង០ ដោយប្រើស្នៀត Ippon ជាក្បាច់ទទួលបានពិន្ទុខ្ពស់បំផុតរបស់យូដូ៕

ផ្តល់សិទ្ធិ៖ ទូរទស្សន៍ PNN 
អត្ថបទ៖ រស់ កាណាល់
រូបញភាព៖ កោះសន្តិភាព

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖