+855 16 757 168     samnob@keiladaily.com
KD Logo

អូឡាំពិកកម្ពុជាធ្វើសន្និបាតវិសាមញ្ញបំពេញបន្ថែមសមាជិកប្រតិបត្តិ

ទាញយក App វិបសាយកីឡាដេលី នៅក្នុងទូរស័ព្ទដៃរបស់អ្នក

PlayStore AppStore
| 667
មហាសន្និបាតវិសាមញ្ញអូឡាំពិកកម្ពុជា នាល្ងាចថ្ងៃទី៥កញ្ញាបានសម្រេចជ្រើសរើសបំពេញបន្ថែមនូវសមាជិកប្រតិបត្តិចំនួន២រូប ​ជំនួស​សមាជិក​ប្រតិបត្តិ​ចំនួន២រូបដែលបានទទួលមរណភាព។មហាសន្និបាត​បានចាប់ផ្ដើម​ដោយមានការ​គោរពវិញ្ញាណក្ខ័ន្ធ​ចំពោះ​ស្ថាបនិកកីឡា​នានា​របស់កម្ពុជា​ដែលបាន​ទទួល​មរណភាព ដូចជាលោកម៉ី សាមឺឌី លោក​ប៉ែន យ៉េត លោកយ៉ែម ឧត្តម លោកហែម ថុន ។

លោកថោង ខុនប្រធានគណៈកម្មាធិការជាតិអូឡាំពិកកម្ពុជាគឺជាប្រធាននៃអង្គមហាសន្និបាតវិសាមញ្ញនេះ ហើយ​ចូលរួម​ក្នុង​ឱកាសនោះដែរ​មាន​លោក​អគ្គ​លេខា​ធិការ​អូឡាំពិក និង សមាជិកប្រតិបត្តិ ព្រមទាំងតំណាងសហព័ន្ធជាតិនានា ។លោកថាង ហ្គោដុនមកពីសហព័ន្ធកីឡាទូកក្ដោង និង អ្នកស្រីម៉ក់ វណ្ណស៊ីថា​អភិបាលរងសាលារាជធានីភ្នំពេញដែលជាប្រធានគណៈកម្មការស្ត្រី និង កីឡា​បាន​ទទួល​ការ​គាំទ្រ​ជាសមាជិកប្រតិបត្តិថ្មី​របស់​គណៈ​កម្មាធិការ​ជាតិ​អូឡាំពិកកម្ពុជាជំនួលោកហែម ថុនដែលជាអគ្គលេខាធិការរង និង លោកឈួន ឡេង​ដែល​ជា​នាយករដ្ឋបាល​ដែល​បាន​ទទួល​មរណភាព​ដោយ​រោគា​ពាធ​នោះ។
លោកថោង ខុនគណៈកម្មាធិការជាតិអូឡាំពិកកម្ពុជា  បានស្វាគមន៍ ចំពោះ លោក ថាង ហ្គោដុង  និង លោកស្រី ម៉ក់ វណ្ណស៊ីថា ដែល​បាន​ក្លាយ​ជា​សមាជិក​ប្រតិ​បត្តិ នៃគណៈកម្មាធិការជាតិអូឡាំពិក កម្ពុជា  និង​សូម​ថ្លែង​នូវ​ការ​កោត​សរសើរ​ចំពោះ​ស្មារតី​គាំទ្រ​ផ្តល់​ទំនុក​ចិត្ត​របស់​សហព័ន្ធ​កីឡា​ជាតិ​ជា​សមាជិកចំពោះបេក្ខភាពទាំងពីររូបក៏ដូចជាការជឿជាក់លើគោលនយោបាយដឹកនាំរបស់គណៈកម្មាធិការជាតិអូឡាំពិកកម្ពុជា  ផងដែរ ។

លោកបន្តថាឥឡូវនេះគ្រួសារអូឡាំពិកយើងពិតជាជ្រើសរើសបានអ្នកមានលទ្ធភាពមានលក្ខណៈសម្បត្តិល្អនិងមានស្មារតីកីឡា“Sport Spirit”មោះ​មុត​គួរ​ជា​ទី​សង្ឃឹមនៃការួមចំណែកជួយអភិវឌ្ឍចលនាកីឡាអូឡាំពិក និងកីឡាជាតិ អោយឆ្ពោះទៅរកសក្តានុពលភាពកីឡាជាតិបាននាពេលដ៏ខ្លីខាងមុខនេះ។

ចំពោះដំណើរឆ្ពោះទៅ SEA Games ឆ្នាំ២០២៣លោកថោង ខុនបានចាត់ទុកថា ជាចក្ខុវិស័យ និងកម្មវត្ថុចម្បងដែលត្រូវយក ចិត្ត​ទុក​ដាក់​ចាប់​ផ្តើម​អនុវត្ត​ជាក់​ស្តែងជាជាងរង់ចាំនេះ រង់ចាំនោះ បណ្តែតបណ្តោយអោយពេលវេលាកន្លងផុត ទៅដោយឥតប្រយោជន៍៍។គណៈកម្មាធិការជាតិអូឡាំពិកកម្ពុជា មិនបានអង្គុយរង់ចាំទេ ដូចនេះសូមចាប់ផ្តើមសកម្មភាព “Take action” ទាំងអស់គ្នាពីពេលនេះតទៅ។ ជាមួយគ្នានេះ​មហាសន្និបាត​បានធ្វើវិសមធនកម្ម​លើ​លក្ខ​ន្តិកៈ ព្រមទាំងស្ដាប់របាយការណ៍សកម្មភាព​​នានារបស់គណៈកម្មាធិការជាតិអូឡាំពិកកម្ពុជា៕
 
 
អត្ថបទ និងរូបថត៖ keiladaily

សូមប្រិយមិត្តជួយ Subscribe ឆានែលយូធូបរបស់យើងខ្ញុំផង៖